Pivikhamut Nakuuyunut akituvallaangittunullu niqikhanut ayughautigivagaat Nunavunmiut amihuni ukiuni, unalu pidjutaa uqariyauliktuq angiyumik kavamaliqidjutikhani inungnilu ihumagiyyauvluni.
2009-mi, Nunavut Kavamanga anipkaktaat uqariiktamingnik pilluagakhanik, Tamapta, naunairiiqhimayaat piyaghani ihuaqtumik pilugit piyumayainut Nunavunmiut, unalu akituvallaangittunik, nakuuyunik niqinik. Ilagivlugit ukununga pilluagakhanut, Nunavut Kavamanga tuhaqtittiyut taimaa upalungaiyaqniaqtumik havaariliklugulu una ilingaiyaivallianikkut qanuriliurutikhamik.
2010-2011-mi, Nunavunmi Katimaniq Illingaiyairumanikkut havagpiakpaktut angiyumik inuit ilaupkakhugit kangikhipkainahuaqhutik nunami ilingaiyaivallianikkut qanuriliurutikhamik. Una havagpagaat pinahugitpaktut kangikhipkainahugittutik atuqpagainut niqailliurnikkut Nunavunmiutani. Taimaatut, ukuat ilingaiyaivallianikkut qanuriliurutikhamik, Makimaniq Qanuriliurutikhaq: Havaqatigiiklutik Ilingaiyaidjutikhanut, apiqhiyut “tahapkununga hivuliqtiuvlutik havaaqaqtunut niqikhaqainnaqpaknirmut havaqatigiiktughauyut ikayuqlugit tamaita Nunavunmiut.” Makimaniq Qanuriliurutikhaq piqaqtuq havagpiaklugu pinahuaqtamingnut: “Aullaqtirutiginiaqtakkut katimayiuliktuqhanik uuminga Nunavunmi Niqikhaqaqnikkut Katimayiit...piliuqlugulu nunami Havagtauyakhanut Qanuriliurutikhaq niqailliurnaittumik.”
Nunavunmi Niqikhaqaqnikkut Qanuriliurutikhaq pidjutigiyaa uumunga havagnahuaqtumik pihimayaannut.