menu

ᐃᓅᓇᓱᐊᕐᓂᕐᒧᑦ ᐊᔪᓐᖏᓐᓃᑦ

Life Skills

 

ᐃᑲᔪᖅᑐᐃᓂᐊᖅᑐᒍ ᐱᔪᓐᓇᖅᓯᕙᓪᓕᐊᖁᓪᓗᒋᑦ ᓂᕿᒃᓴᖃᕈᓐᓇᕐᓂᕐᒧᑦ ᐱᔪᓐᓇᖅᓯᕙᓪᓕᐊᓂᕐᒧᑦ ᐊᒻᒪ ᐊᑐᕐᓂᖅᓴᐅᓗᑎᒃ ᐃᓅᓇᓱᐊᕈᓐᓇᕐᓂᕐᒧᑦ, ᐱᖃᓯᐅᑎᓪᓗᒋᑦ ᐅᖃᐅᓯᖅ, ᐅᖃᓕᒫᕈᓐᓇᕐᓂᖅ ᑎᑎᕋᕈᓐᓇᕐᓂᖅ ᐊᒻᒪ ᓈᓴᐅᓯᕆᔪᓐᓇᕐᓂᖅ.
 

ᐱᒻᒪᕆᐅᒻᒪᑦ ᑐᑭᓯᐅᒪᓂᖃᕐᓗᓂ ᐊᑦᑐᐃᓂᖃᕐᓂᖏᑦ ᓂᕿᓂᒃ ᓂᕈᐊᕈᓐᓇᕐᓂᖅ ᑎᒥᑦᑕ ᖃᓄᐃᓐᖏᓐᓂᖏᓐᓄᑦ, ᐊᕙᑎᑦᑎᓐᓄᑦ, ᐊᒻᒪ ᓄᓇᓕᑦᑎᓐᓄ. ᓄᓇᕗᒻᒥᐅᑦ ᐊᑯᓂᐊᓄᑦ ᖃᐅᔨᒪᓂᖃᑦᑎᐊᖃᑦᑕᖅᓯᒪᒻᒪᑕ ᐱᔪᓐᓇᕐᓂᕐᒥᒃ, ᑐᖅᑯᐃᓯᒪᓂᕐᒥᒃ, ᐅᐸᓗᖓᐃᔭᐃᓂᕐᒥᒃ, ᐊᒻᒪ ᓂᕆᖃᑦᑕᕐᓂᕐᒥᒃ ᐃᓄᐃᑦ ᓂᕿᖏᓐᓂᒃ. ᑭᓯᐊᓂ. ᐃᓱᒫᓗᒍᑕᐅᓕᕐᒪᑦ ᑕᒪᒃᑯᐊ ᐊᔪᓐᖏᓐᓂᐅᔪᑦ ᐃᓕᑉᐊᓪᓕᓪᐊᔭᐅᔪᓐᓃᕐᒪᑕ ᑭᖑᕚᑦᑎᓐᓄᑦ, ᐅᕝᕙᓗ ᑕᐃᒪᐃᑦᑐᓴᐃᓐᓇᐸᓗᐃᑦ ᐊᔪᓐᖏᓐᓂᐅᔪᑦ ᐊᑐᖅᑕᐅᕙᓐᖏᒻᒪᑕ ᓂᐅᕕᕐᕕᒻᒥ ᓂᕿᑖᖑᓯᒪᔪᒐᓗᐊᓄᑦ. ᑕᐃᒪᓕ, ᐱᕙᓪᓕᐊᓂᖃᕆᐊᖃᖅᐳᑦ ᐊᔪᓐᖏᓐᓂᐅᔪᑦ ᐊᒻᒪ ᖃᐅᔨᒪᓂᐅᔪᑦ ᑐᕌᖓᔪᑦ ᑕᒪᒃᑮᓐᓄᑦ ᐃᓄᐃᑦ ᓂᕿᖏᓐᓄᑦ ᐊᒻᒪ ᓂᐅᕕᕐᕕᒻᒥ ᓂᐅᕕᐊᖑᓯᒪᔪᓄᑦ. ᐊᓯᔾᔨᕐᓂᐊᖅᐸᑦ, ᐊᔪᓐᖏᓐᓂᐅᔪᑦ ᓲᕐᓗ ᐅᖃᐅᓯᓕᕆᓂᖅ, ᑎᑎᕋᕈᓐᓇᕐᓂᖅ ᐅᖃᓕᒫᕈᓐᓇᕐᓂᖅ, ᐊᒻᒪ ᓈᓴᐅᓯᕆᔪᓐᓇᕐᓂᖅ ᓴᓐᖓᑎᑦᑕᕆᐊᖃᖅᐳᑦ.

ᑐᕌᖅᑕᐅᔪᑦ:

4.1 ᓴᖅᑮᓗᑎᒃ ᑲᓱᖅᓯᒪᔪᓂᒃ ᐃᓄᓐᓂᒃ ᐃᓚᐅᖃᑕᐅᔪᓂᒃ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᐃᓕᓐᓂᐊᖅᑎᑦᑎᔪᓂᒃ ᐃᓅᓇᓱᐊᕐᓂᕐᒧᑦ, ᐱᖃᓯᐅᑎᓗᒋᑦ ᐃᓕᓐᖓᔪᒻᒪᕆᐅᔪᑦ ᐊᒻᒪ ᐃᓕᓐᓂᐊᖅᑎᑦᑎᔨᐅᔪᑦ.
4.2 ᐃᑲᔪᖅᑐᕐᓗᒋᑦ ᐃᓕᑕᐅᕙᓪᓕᐊᓂᖏᑦ ᐃᓅᓇᓱᐊᕐᓂᕐᒧᑦ ᐊᔪᓐᖏᓐᓂᐅᔪᑦ ᐊᑐᕐᓗᑎᒃ ᑕᑯᓐᓇᑐᐃᓐᓇᕐᓂᕐᒧᑦ ᐊᒻᒪ ᐃᓕᓐᓂᐊᑎᑦᑎᓪᓚᑖᖅᑐᑦ.
4.3 ᓴᖅᑭᔮᖅᑎᓪᓗᒍ ᐱᕙᓪᓕᐊᓂᖅ, ᑲᑐᔾᔨᓂᖅ, ᐊᒻᒪ ᐊᓯᒥᓅᕆᓂᖅ ᐃᓕᒍᑕᐅᔪᓐᓇᖅᑐᑦ.
4.4 ᓄᓇᕗᒻᒥᐅᑕᐅᔪᑦ ᐃᑲᔪᖅᑐᕐᓗᒋᑦ ᐊᑐᐃᓐᓇᖃᕐᓂᕐᒥᑦ ᐃᑲᔪᕈᑎᒃᓴᐅᔪᓂᒃ, ᐃᓕᓐᓂᐊᕐᓂᕐᒥᑦ ᐊᒻᒪ ᑎᓕᐅᕆᓂᕐᒥᑦ.
4.5 ᐃᓚᓕᐅᑎᓗᒋᑦ ᐃᓅᓇᓱᐊᕐᓂᕐᒧᑦ ᐊᔪᓐᖏᓐᓂᐅᔪᑦ ᑕᒪᒃᑯᓄᖓ ᓴᖅᑭᔮᕆᖅᑐᓄᑦ ᐱᓕᕆᐊᓄᑦ ᐊᔪᕐᓇᖏᑉᐸᑦ.
4.6

ᐃᓅᓇᓱᐊᕐᓂᕐᒧᑦ ᐊᔪᕈᓐᓃᖅᓴᕐᓂᕐᒧᑦ ᐃᓕᓐᓂᐊᕐᓂᖅ ᐊᑐᐃᓐᓇᐅᑎᓪᓗᒍ ᐊᒥᓲᓂᖅᓴᓄᑦ ᑕᒪᒃᑯᓄᖓ ᐊᔾᔨᒌᓐᖏᕈᓘᔭᖅᑐᓄᑦ ᐅᑭᐅᖏᓐᓄᑦ ᐊᕐᓇᐃᑦ ᐊᖑᑏᑦ, ᐊᐅᓪᓗᔨᓗᐊᓐᖑᐊᕐᓗᑎᒃ ᑭᒃᑯᑐᐃᓐᓇᕐᓅᖓᑎᓪᓗᒋᑦ ᓄᓇᖃᖅᑐᓄᑦ.