ᑭᒃᑯᓕᒪᑦ ᓄᓇᕗᒻᒥ ᖃᐅᔨᖃᑦᑕᖅᑐᐃᓐᓇᐅᒻᒪᑕ ᐊᑦᑐᐃᓂᖃᕈᓐᓇᕐᓂᖓᓂᒃ ᓂᕆᔭᒃᓴᖃᑦᑎᐊᖏᓪᓗᓂ ᐊᔾᔨᒌᓐᖏᑐᑎᒍᑦ. ᐱᓗᐊᓐᖑᐊᖅᑐᖅ, ᓂᕆᔭᒃᓴᖃᑦᑎᐊᖏᓐᓂᒃ ᐊᑦᑐᐃᓂᖃᓪᓚᕆᑦᑐᖅ ᐃᓅᑉ ᑎᒥᖓᓂ ᐊᒻᒪ ᐃᓅᓯᖓᓂ. ᓂᕆᔭᒃᓴᖃᑦᑎᐊᖃᑦᑕᖏᓐᓂᖅ ᐊᑦᑕᕐᓇᐅᑎᖃᕈᓐᓇᖅᐳᖅ ᐋᓐᓂᐊᖑᐃᓐᓇᓕᕈᓐᓇᖅᑐᓂᒃ, ᐊᑦᑐᐃᓂᖃᖅᑐᓂᓪᓗ ᐃᓱᒪᒥᒃ, ᐃᓕᓴᕋᐃᓐᖏᓕᖅᑎᑦᑎᔪᓐᓇᖅᑐᓂᓗ.11 ᓂᕆᔭᒃᓴᖃᑦᑎᐊᖏᓐᓂᐅᔪᖅ ᓄᓇᕗᒻᒥ ᐊᒥᓲᓂᖅᓴᐅᔪᓂᒃ ᐃᒃᐱᓐᓇᐅᑎᖃᕈᓐᓇᕐᒥᔪᖅ ᑭᓱᑐᐃᓐᓇᕐᓂ ᑐᕌᖓᓪᓚᕆᓐᖏᑦᑑᒐᓗᐊᓂᒃ; ᐅᐱᓐᓇᕋᓂ ᓂᕆᔭᒃᓴᖃᑦᑎᐊᖏᓐᓂᖅ ᐊᑦᑐᐃᔪᓐᓇᖅᑐᖅ ᐃᓚᒌᓂᒃ ᐊᒻᒪ ᓄᓇᓕᐅᔪᓂᒃ, ᐊᑦᑕᕐᓇᕆᓪᓗᓂᓗ ᐃᓄᐃᑦ ᒪᑭᒪᔪᓐᓇᑦᑎᐊᕐᓂᖏᓐᓄᑦ, ᐃᓕᖅᑯᓯᐅᔪᑦ ᐊᑦᑐᖅᑕᐅᔪᓐᓇᕐᓂᖓᓂᒃ, ᐊᒻᒪ ᑮᓇᐅᔭᑎᒍᑦ ᐱᕙᓪᓕᐊᔪᓕᕆᓂᕐᒥᒃ. ᓄᓇᕗᒻᒥᐅᓕᒫᑦ ᐊᓪᓛᑦ ᑕᐃᒃᑯᐊ ᓂᕆᔭᒃᓴᖃᑦᑎᐊᖅᐸᑦᑑᒐᓗᐊᑦ, ᐊᑦᑐᖅᑕᐅᓂᖃᕐᒪᑕ ᐊᑲᐅᓐᖏᑦᑐᒃᑯᑦ ᐊᑦᑐᐃᓂᖓᓂᒃ ᓂᕆᔭᒃᓴᖃᑦᑎᐊᖏᓐᓂᐅᔪᖅ.