menu

ᐱᓕᕆᐊᖓ ᓄᓇᕗᒻᒥ ᓂᕿᒃᓴᖃᕆᐊᖃᕐᓂᕐᒧᑦ ᑲᑐᔾᔨᖃᑎᒌᑦ

ᑭᑭᑦᑎᑦᑕᐃᓕᒪᓂᐊᖅᑐᒍᑦ, ᑐᑭᒧᐊᑦᑎᑦᑎᓗᑕ, ᐊᒻᒪ ᓯᕗᓕᖅᑎᐅᒋᐊᕐᓗᑕ ᑖᒃᑯᓄᖓ ᓄᓇᕗᒻᒥ ᓂᕆᔭᒃᓴᖃᕆᐊᖃᕐᓂᕐᒧᑦ ᐅᐸᓗᖓᐃᔭᕈᑕᐅᔪᒥᒃ, ᐊᒻᒪ ᐱᕙᓪᓕᐊᓂᖏᓐᓄᑦ, ᐊᑐᓕᖅᑕᐅᓂᖏᓐᓄᑦ, ᖃᐅᔨᓴᖅᑕᐅᓂᖏᓐᓄᓪᓗ ᐊᑦᑐᐊᓂᖃᖅᐳᑦ ᖃᓄᐃᓕᐅᕐᓂᐊᕐᓂᕐᒧᑦ ᐸᕐᓇᒍᑕᐅᔪᑦ.

 

ᓴᖅᑭᑕᐅᓂᖓ ᓄᓇᕗᒻᒥ ᓂᕆᔭᒃᓴᖃᕆᐊᖃᕐᓂᕐᒧᑦ ᑲᑐᔾᔨᖃᑎᒌᖑᔪᑦ ᓴᖅᑭᓯᒪᒻᒪᑦ ᐊᑐᓕᖅᑎᑕᐅᓚᐅᖅᑎᓪᓗᒍ ᒪᑭᒪᓂᕐᒧᑦ ᐸᕐᓇᒍᑕᐅᔪᖅ ᑖᒃᑯᐊ ᓄᓇᕗᒻᒥ ᑲᑎᒪᓂᐅᓚᐅᖅᑐᑦ ᐊᔪᖅᓴᓗᐊᖅᑕᐃᓕᒪᖁᔨᓐᖏᓂᕐᒧᑦ ᓯᕗᒃᑲᖅᑕᓚᐅᖅᑐᑎᒃ ᐊᒻᒪ ᐊᑕᖐᓇᓱᐊᖅᑐᑎᒃ. ᑲᑐᔾᔨᖃᑎᒋᖑᔪᑦ ᑕᑯᓐᓇᖅᑕᐅᔪᓐᓇᖅᑐᖅ ᑲᑎᒪᓂᐅᓚᐅᖅᑐᓂ ᑎᓕᔭᐅᓯᒪᔪᑦ ᐱᓕᕆᖁᔭᐅᓪᓗᑎᒃ: ᓇᖕᒥᓂᖅ ᐋᖅᑭᓱᖅᑐᑦ ᐊᒻᒪ ᐃᒻᒥᓂᒃ ᐱᔭᒃᓴᓕᐅᖅᑐᑦ ᑲᑐᔾᔨᓪᓗᑎᒃ, ᒪᓕᓪᓗᑎᒃ ᑕᐅᑐᓐᖑᐊᖅᑕᖏᓐᓂᒃ ᐊᒻᒪ ᐱᔾᔪᑎᒋᓚᐅᖅᑕᖓᓂᒃ ᑲᑎᒪᓂᐅᓚᐅᖅᑐᖅ, ᓇᓗᓇᐃᖅᓯᓗᑎᒃ ᐋᖅᑭᒍᑕᐅᔪᓂᒃ ᑕᒪᒃᑯᓄᖓ ᐊᑕᐅᓯᕐᒥᒃ ᐊᑕᐅᓯᐅᓐᖏᑦᑐᒥᓪᓘᓐᓃᑦ ᑲᑎᒪᓂᐅᔪᒥᒃ ᓯᕗᓪᓕᐅᔾᔭᐅᖁᔭᐅᓚᐅᖅᑐᓂ ᐃᓱᒪᒋᔭᐅᔪᓂ. ᑲᑎᒪᔨᐅᔪᓄᑦ ᐱᓕᕆᖁᔭᐅᓪᓗᑎᒃ, ᑲᑐᔾᔨᖃᑎᒌᖑᒧᑦ ᐃᑲᔪᖅᑐᖅᑕᐅᓯᒪᔪᑦ ᑲᑎᒪᔪᑦ ᐊᓪᓚᕝᕕᖓᓂᒃ. ᓄᓇᕗᑦ ᒐᕙᒪᒃᑯᖏᑕ ᐃᓚᒌᑦᑐᓕᕆᔨᒃᑯᖏᑦ (ᐊᔪᖅᓴᓗᐊᖅᑕᐃᓕᒪᓂᕐᒧᑦ ᑲᒪᔪᑦ) ᐊᒻᒪ ᓄᓇᕗᒻᒥ ᑐᓐᖓᕕᒃᑯᑦ ᑎᒥᖁᑎᖓᑕ ᐃᓅᓯᓕᕆᔨᒃᑯᖏᑦ ᐃᓕᖅᑯᓯᓕᕆᔨᒃᑯᖏᓐᓂ ᐱᓕᕆᔪᑦ ᐃᓚᒋᔭᐅᕗᑦ ᐊᓪᓚᕝᕕᐅᔪᒧᑦ. ᑲᑐᔾᔨᖃᑎᒌᓄᑦ ᐃᓚᒋᔭᐅᔪᑦ ᑭᐅᖃᑦᑕᕆᐊᖃᖅᐳᑦ ᑕᒪᒃᑮᓐᓄᑦ ᑲᑎᒪᔨᓄᑦ ᐊᒻᒪ ᐃᒻᒥᓐᓄᑦ.

 

ᑲᑐᔾᔨᖃᑎᒌᑦᐱᓕᕆᐊᖓ

ᑐᕌᖅᑕᐅᔪᑦ:ᑐᕌᖅᑕᐅᔪᑦ:

1 ᓴᓐᖓᑎᑦᑎᕙᓪᓕᐊᓗᒍ ᓄᓇᕗᒻᒥ ᓂᕆᔭᒃᓴᖃᕆᐊᖃᓂᕐᒧᑦ ᑲᑐᔾᔨᖃᑎᒌᖑᔪᑦ.
2 ᓴᖅᑭᔮᖅᑎᑦᑎᓗᑎᒃ ᖃᐅᔨᕚᓪᓕᑎᑦᑎᓂᕐᒧᑦ ᓂᕆᔭᒃᓴᖅᑕᖃᕆᐊᖃᕐᓂᕐᒧᑦ ᑐᕌᖓᔪᓂᒃ ᐊᔾᔨᒌᓐᖏᑦᑐᑎᒍᑦ ᑐᓴᒐᒃᓴᐅᔪᑎᒍᑦ.
3 ᑲᓱᖅᓯᒪᓂᖃᖅᑎᓪᓗᒋᑦ ᐱᓇᓱᐊᖅᑕᕗᑦ ᐊᓯᖏᓐᓄᑦ ᐅᐸᓗᖓᐃᔭᕐᓂᕐᒧᑦ ᖃᓄᐃᓕᐅᕐᓂᐅᔪᓄᑦ ᐃᓚᓕᐅᑎᔪᓂᒃ ᑕᐅᑐᓐᖑᐊᖅᑕᑦᑎᓐᓂᒃ ᓂᕆᔭᒃᓴᖅᑕᖃᕆᐊᖃᕐᓂᖓᓄᑦ ᓄᓇᕗᒻᒥ.
4 ᐊᑐᑦᑎᐊᕐᓗᒋᑦ ᒫᓐᓇᐅᔪᖅ ᐱᖁᑎᒋᔭᕗᑦ ᐊᐅᓚᑦᑎᑦᑎᐊᕋᓱᐊᕐᓂᕐᒧᑦ ᐊᒻᒪ ᑲᑐᔾᔨᖃᑎᒌᓐᓂᕐᒧᑦ ᐱᔨᑦᑎᕈᑕᐅᔪᓂᒃ ᐊᒻᒪ ᖃᓄᖅᑑᕈᑎᒃᓴᐅᔪᓂᒃ.
5 ᐃᑲᔪᖅᑐᐃᔪᖅ ᐱᕚᓪᓕᐸᓪᓕᐊᓂᐅᔪᓂᒃ ᑕᒪᒃᑯᓇᓂ ᒫᓐᓇᐅᔪᖅ ᐱᓕᕆᐊᖑᔪᓂᒃ ᐊᒻᒪ ᐊᑐᐊᒐᐅᔪᑦ ᐅᖏᕐᔫᒥᖁᓪᓗᒍ ᓂᕿᒃᓴᖃᑦᑎᐊᖏᓐᓂᐅᕙᑦᑐᖅ.
6 ᑖᒃᑯᐊ ᓵᑕᒃᓴᐅᔪᓐᓇᖁᓪᓗᒋᑦ ᑲᑐᔾᔨᖃᑎᒌᖑᔪᑦ ᐊᑐᓕᖅᑎᑦᑎᕙᓪᓕᐊᓂᖏᓐᓄᑦ ᓄᓇᕗᒻᒥ ᓂᕿᒃᓴᖃᑦᑎᐊᕆᐊᖃᕐᓂᕐᒧᑦ ᐅᐸᓗᖓᐃᔭᕈᑕᐅᔪᒧᑦ.