ᓄᓇᕗᒻᒥ ᓂᕿᒃᓴᖃᕆᐊᖃᕐᓂᕐᒧᑦ ᑲᑐᔾᔨᖃᑎᒌᑦ ᐋᖅᑭᒃᓱᐃᓯᒪᖕᒪᑕ ᑎᓴᒪᐅᓕᖅᑲᖓᔪᓂᒃ ᐃᓗᓕᖏᑦ ᓂᕆᔭᒃᓴᖃᑦᑎᐊᕐᓂᕐᒧᑦ: ᐊᑐᐃᓐᓇᐅᓂᖓ (ᓂᕐᔪᑏᑦ ᓄᓇᐃᓐᓇᕐᒥᑦ ᓈᒻᒪᓐᓂᖏᑦ ᐅᕝᕙᓘᓐᓃᑦ ᓂᖀᑦ ᓂᐅᕕᕐᕕᖕᒥᑦ), ᐱᔭᐅᔪᓐᓇᕐᓂᖏᑦ (ᑮᓇᐅᔭᖃᑦᑎᐊᕐᓂᖅ ᐊᖑᓇᓲᑎᒃᓴᓄᑦ ᐅᕝᕙᓘᓐᓃᑦ ᓂᐅᕕᕐᕕᖕᒥᙶᖅᑐᓂᒃ ᓂᕿᓂᒃ, ᐊᒻᒪᓗ ᐱᔪᓐᓇᐃᓐᓇᖃᑦᑕᕐᓂᕐᒥᑦ), ᐱᐅᓂᖏᓐᓄᑦ (ᓂᕿᑦᑎᐊᕙᐃᑦ ᐃᓕᖅᑯᓯᖏᓐᓄᑦ ᐊᑑᑎᖃᖅᑐᑦ), ᐊᒻᒪ ᐊᑐᖅᑕᐅᓂᖓ (ᖃᐅᔨᒪᓂᖅ ᖃᓄᖅ ᐱᔭᐅᒋᐊᖃᕐᒪᖔᖅ, ᑐᖅᑯᖅᑕᐅᓯᒪᒋᐊᖃᕐᒪᖔᖅ, ᑲᒪᒋᔭᐅᒋᐊᖃᕐᒪᖔᖅ ᐊᒻᒪᓗ ᓂᕆᔭᐅᒋᐊᖃᕐᒪᖔᖅ ᓂᕿᐅᔪᖅ). ᑕᒪᒃᑯᐊ ᐃᓗᓕᖏᑦ ᑲᒪᒋᔭᐅᑦᑎᐊᕆᐊᖃᖅᐳᑦ ᐊᑕᐅᑦᑎᒃᑯᑦ ᓂᕆᔭᒃᓴᖅᑕᖃᑦᑎᐊᕈᓐᓇᖁᓪᓗᒍ, ᑭᓯᐊᓂᓕ ᐊᒥᓱᓄᑦ ᐱᔭᕇᐊᑐᔪᓄᑦ ᐃᓗᓕᖃᖅᑐᑎᒃ ᓄᓇᕗᒻᒥ.
ᒐᕙᒪᒃᑯᑦ ᐊᒻᒪ ᐃᓕᓐᓂᐊᕐᕕᔾᔪᐊᖑᔪᑦ ᑮᓇᐅᔭᓂᒃ ᐊᑐᖃᑦᑕᖅᓯᒪᔪᑦ ᖃᐅᔨᓴᕐᓂᐅᔭᕆᖃᖅᑐᓂᒃ ᑐᑭᓯᓇᓱᐊᖅᑐᑎᒃ ᖃᓄᖅ ᐊᑦᑐᐊᓂᖏᓐᓂᒃ ᐊᕝᕕᐊᕈᑕᐅᔪᑦ ᐊᒻᒪ ᐋᖅᑭᒍᑕᐅᔪᓐᓇᑐᐃᓐᓇᕆᐊᖃᖅᑐᑦ ᓂᕆᔭᒃᓴᖃᕆᐊᖃᕐᓂᖏᓐᓄᑦ ᓄᓇᕗᒻᒥ. ᖃᐅᔨᒪᔭᐅᑦᑎᐊᖅᑐᖅ ᑕᒪᓐᓇ ᐊᒃᓱᕈᕐᓇᕐᓂᖓ ᐊᒻᒪ ᐱᔭᕆᐊᑐᓂᖓ ᐊᖏᓂᖅᓴᐅᒻᒪᑦ ᐱᔭᐅᓇᓱᐊᖅᑑᒐᓗᐊᓂᒃ ᐊᑕᐅᓯᕐᒧᑦ ᑲᑐᔾᔨᖃᑎᒌᔪᑦ. ᑲᑐᔾᔨᖃᑎᒌᑦᑎᐊᕐᓗᓂ ᑲᒪᒋᔭᐅᓇᓱᐊᕆᐊᖃᖅᐳᖅ.
