Nunavut Niqqailiuknaitumik Hanaqidjutikhaq Katimaqyualiqiyiit aulatitivaktun ukiuk tamaat katimayuarutilunik talvani Iqalungni Qiqaiyaqvia 17mi-19mun, 2015mi.
Ihumaliuyagiikhimayaingit katimatilunik ilauyut ukuat:
1. Angirtikharnik Naunaitkutirutikhangit
Tamna Naunairutikhangit naunaiyainiaqtun malikhautikharnik, havaktakhangit, munagidjutikharnik Katimaqyuarutikhanun; malikhautikharnik ihumaliugiangat talvuuna ilauyukharnik; naunaiyailutiklu qanuq Katimayualiqiyiit ilauyuni havaqatigiikniaqtun.
Katimaqyualiqiyiit havakniaqtun Naunaitkutikharnik Atuqtakhainik tautuktitiyaangatlu nunalaanun taima tamaat Katimaqyuliqiyiit ilauyut atiqtuiniaqtait.
2. Angirutiniaqtun Katimayualiqiyiit havaktakharnik naitkaluaqtiluni niqqailiuknairutikharnik
Katimaqyualiqiyiit ilitagihimayut hivuniraalukmi allanguqtirutikhangit piqaqtukhat ilitugipkaiyaangat aulayagiikhimayut niqqailiuliqidjutingnik, kihimi naitumik niqqiqagiangat pigiaqaqtun talvuunattiangani. Katimayualiqiyiit upigiyaingit taima hanaqidjutikhangit ikayuutiniaqtun niqailiurnaitumik Nunavunmi tautuktauyukhaq titiraqhimayuni aulayukhat talvani Nunavut Niqqailiuknaitumik Hanaqidjutikhaq. Katimayualiqiyiit ihumagikhimayut allanin ikayuutikharnik atuqtauyukhat nunalaani hanaqidjutikharni, havakhimaaqniaqtunlu pivalliliqlutik hanaqidjutikharnik uqaqtiuyaangat ilaqatigiiktukharnik havakhimaaqtukhat.
Katimayualiqiyiingit tunihimaaqniaqtun nunalaani pidjutikharnik havaaqharnik inigiikpan havakhimayukhat angirutiqagiikhimaliqan talvani tatqikhiutikkut Katimayualiqidjutingni katimadjutikharni.
3. Angirutikhaq havaqatigiigiangat uqaqtiuyaangat ihuaqhaidjutikharnik talvuuna Niriuminaqtunik Tunnunganiitunik Kanatami havaaqhaq
Katimayualiqiyikkut ilauyuni ilaqatigiikpaktun ihumagiyaingit talvuuna Niriuminaqtunik Tunnunganiitunik Kanatami havaaqharni.
Katimayualiqiyiingit iniqtiqniaqtun titirangnik tapfuminga Niqittiavak Katimayiingit ilitugidjutikharnik talvuuna Niriuminaqtunik Tunnunganiitunik Kanatami havaaqharni, taima aituiniaqtuq atuqtauyukharnik ihuaqhaiqyumiqtitiyaangat havaaqhangit ihuaqtumik havagiangat pidjutikharnik Nunavunmiunun.
Katimaqyualiqiyikkut havakhimaarniaqtun havaktukharnik katimayiinik ihivriugiangat ilitugidjutikhangit atuqtauyukhat ilitugiyaangatlu aulayut hanaqidjutikhangit, aulahimaaqniaqtuniklu talvani Niriuminaqtunik Tunnunganiitunik Kanatami Uqaudjiyut Katimayiit ukuninga atuqtauyukharnik hanaqidjutikhangitlu havagiaqagumitku.
4. Ilauhimaaqtunik Nunalaani Atugakhangit Katimayuarutikhangit Iqalungni Katimaqatigiikpaktun talvuuna Niqailiuqnaitumik Tununganiituni Kanatami
Katimaqyualiqiyikkut uqaqhimaaqpaktun kitunik atuqtakharnik ayuigiaqaqtainin aulatitinirmik talvuuna Nunavut Niqqailiuknaitumik Hanaqidjutikhaq, kitut hanaqidjutikhangit naunaiyagiikhimavaktun iniqtirutikhangit, kitutlu hanaqidjutikhat ihumagiyauluaqtukhat auladjutikharnik hivunirmi havaqatgiikhimaaqtakhangit.
Katimaqyualiqiyikkut ilauyut ilauhimaaqniaqtun talvani Nunalaani Atugakharnik Katimayuarutmi Ottawami Katimatilunik Qitiqauyaqvia 20mi, 2015mi.
