menu

ᓄᓇᕗᒻᒥ ᓂᕿᖃᐃᓐᓇᑎᑦᓯᓂᕐᒧᑦ ᑲᑎᒪᕐᔪᐊᕐᓂᕐᒧᑦ ᐃᓚᐅᖃᑕᐅᔪᑦ ᑳᒃᑐᓂᒃ ᐅᔾᔨᕈᓱᖕᓂᖅ ᐱᓇᓱᐊᕈᓯᖓᓂ

ᐱᖓᑦᑎᖅ, ᓯᑎᐱᕆ 23, 2015

ᐊᑐᕐᑎᓪᓗᒍ ᑳᒃᑐᓂᒃ ᐅᔾᔨᕈᓱᖕᓂᖅ ᐱᓇᓱᐊᕈᓯᖓ (ᓯᑎᐱᕆ 21-ᒥ 25-ᒧᑦ, 2015), ᓂᕿᓄᑦ ᑲᑎᖅᓱᐃᕝᕕᒃ ᑲᓇᑕᒥ ᐊᒻᒪᓗ ᓄᓇᕗᒻᒥ ᓂᕿᖃᐃᓐᓇᑎᑦᓯᓂᕐᒧᑦ ᑲᑎᒪᕐᔪᐊᕐᓂᕐᒧᑦ ᑎᓕᐅᕆᔪᑦ ᑲᓇᑕᒥᐅᓂᒃ ᖃᐃᖁᓪᓗᒋᑦ ᐊᑕᐅᑦᑎᒃᑯᑦ ᐅᔾᔨᕈᓱᒃᑎᑦᑎᕚᓪᓕᕐᓂᕐᒧᑦ ᐋᖅᑭᒍᓐᓇᖅᑐᒧᑦ ᐊᑲᐅᙱᓕᐅᕈᑎᒧᑦ ᑳᒃᑐᓄᑦ ᑲᓇᑕᒥ.


ᑲᑎᒪᕐᔪᐊᕐᓂᕐᒧᑦ ᐃᑲᔪᖅᓱᐃᔪᑦ ᓄᓇᓖᑦ ᐱᓇᔪᖕᓂᖏᑦ ᐱᐅᓯᒋᐊᖅᑎᑦᑎᔪᓄᑦ ᐱᔪᓐᓇᕐᓂᕐᒥᑦ ᓂᕿᓂᒃ ᑕᐃᒃᑯᓄᖓ ᐊᒃᑐᖅᑕᐅᓯᒪᓂᖅᐹᖑᔪᓄᑦ ᑳᖕᓂᕐᒧᑦ. ᑲᑎᒪᕐᔪᐊᕐᓂᕐᒧᑦ ᓇᖕᒥᓂᖅ ᑕᐅᑐᓪᓗᐊᑕᖅᑐᖅ ᐊᑯᓂᐅᔪᒃᑯᑦ ᖃᓄᐃᓕᐅᕈᑎᓄᑦ ᓄᓇᓕᐅᔪᑦ ᓇᓃᓐᓂᖏᑎᒍᑦ ᐱᓕᕆᐊᖑᑎᑦᑎᓲᑦ ᐱᔾᔪᑕᐅᓪᓗᐊᑕᖅᑐᓂᒃ ᓂᕿᖃᐃᓐᓇᑎᑦᓯᓂᕐᒧᑦ. ᑕᐃᒪᐃᒃᑲᓗᐊᖅᑎᓪᓗᒍ, ᑲᑎᒪᕐᔪᐊᕐᓂᕐᒧᑦ ᐃᓕᓴᖅᓯᔪᑦ ᓯᕕᑭᑦᑐᒃᑯᑦ ᖃᓄᐃᓕᐅᕈᑎᑦ ᓄᓇᓖᓐ ᓇᓃᓐᓂᖏᑎᒍᑦ ᐱᔭᕆᐊᖃᕐᒥᔪᑦ.


ᑕᒪᓐᓇ ᐃᑲᔪᖅᓱᕐᓗᒍ, ᑲᑎᒪᕐᔪᐊᕐᓂᕐᒧᑦ ᐱᑎᑦᑎᓲᖅ ᐊᔾᔨᐅᙱᑦᑐᒃᑯᑦ ᐊᑐᖅᑎᑦᑎᓂᖅ ᑮᓇᐅᔭᖃᖅᑎᑕᐅᔾᔪᑎᒥᒃ ᐊᑕᐅᓯᐅᑦᑕᕐᖢᒋᑦ ᓄᓇᓕᐅᔪᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑎᒍᑦ. ᒫᓐᓇᐅᔪᖅ, ᐊᑐᓕᖅᑎᑦᑎᔾᔪᑏᑦ ᐃᓚᐅᑎᑦᑎᓯᒪᔪᑦ ᓯᒐᐃᔪᑦ ᓂᕿᓂᒃ ᐴᖅᓯᒪᔪᖅᑖᕐᓗᑎᒃ, ᐃᓐᓇᑐᖃᐃᑦ ᓂᕆᕕᒃᔪᐊᕐᓂᖅ, ᒪᒃᑯᒃᑐᑦ ᓂᕿᓕᐅᕐᓂᕐᒧᑦ ᐃᓕᓐᓂᐊᕐᓃᑦ, ᐃᓐᓇᑐᖃᐃᑦ ᓂᕿᓕᐅᕐᓂᕐᒧᑦ ᐃᓕᓐᓂᐊᕐᓃᑦ, “ᓴᓇᓗᑎᑦ ᐱᓗᒍᓗ” ᓂᕿᓕᐅᕐᓂᕐᒧᑦ ᐃᓕᓐᓂᐊᕐᓂᖅ, ᐅᓄᖅᑐᓪᓗ ᐊᓯᖏᑦ.


ᓄᓇᓖᑦ ᐱᔪᒪᔪᑦ ᐱᔪᓐᓇᕐᓂᕐᒥᒃ ᐊᔾᔨᐅᙱᑦᑐᒃᑯᑦ ᖃᓄᐃᓕᐅᕈᑎᒃᓴᓄᑦ ᑮᓇᐅᔭᖃᖅᑎᑕᐅᔾᔪᑎᓂᑦ ᖃᐅᔨᒋᐊᕈᓐᓇᖅᑐᑦ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᒃᓴᓄᑦ ᐊᐅᓚᑦᑎᔨᖏᓐᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ.
 

###


ᐱᕙᓪᓕᐊᔪᓄᑦ ᑐᓴᕆᐊᕐᕕᒃᓴᑦ:


ᕌᓐ ᕙᔅᙳᖕ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᑦ ᑭᒃᑯᑐᐃᓐᓇᕐᓅᖓᔪᓄᓪᓗ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5710
rwassink@gov.nu.ca

ᔭᐃᑦ ᐆᕙᑦ
ᑐᓴᐅᒪᔪᓕᕆᔨᒻᒪᕆᒃ
ᐃᓄᓕᕆᔨᒃᑯᑦ
867-975-5207
jowen@gov.nu.ca


ᑭᐅᕆ ᒪᒃᑲᓚᔅᑭ
ᑐᑭᒧᐊᖅᑎᑦᑎᔨ ᑐᓴᐅᒪᔪᓕᕆᔨᒃᑯᓐᓄᑦ
ᓄᓇᕗᑦ ᑐᙵᕕᒃᑯᑦ
867-975-4914
kmccluskey@tunngavik.com