menu

ᐱᓕᕆᐊᑦ ᓄᓇᓕᓐᓂᓗ ᐱᒋᐊᖅᑕᐅᕙᓪᓕᐊᔪᑦ


 

ᐃᑲᔪᖅᑐᐃᓂᐊᖅᑐᒍᑦ ᓄᓇᓕᓐᓂ ᖃᓄᐃᓕᐅᕋᓱᐊᕐᓂᐅᔪᑦ ᐊᑐᐃᓐᓇᖃᕐᓂᖅᓴᐅᔪᓐᓇᖁᓪᓗᒋᑦ ᓂᕿᓂᒃ ᐱᓗᐊᖅᑐᒥᒃ ᑕᐃᒃᑯᐊ ᓂᕆᔭᒃᓴᖃᓐᖏᓂᖅᓴᐅᖃᑦᑕᖅᑐᑦ.


ᓄᓇᓕᓐᓂ ᐱᓕᐊᖑᔪᑦ ᐃᑲᔪᖅᑐᐃᔪᑦ ᓂᕿᑦᑎᐊᕙᐅᑎᓂᖏᓐᓄᑦ ᑭᓐᖑᒪᔭᐅᔪᓂᒃ ᑕᐃᒃᑯᓄᖓ ᐊᔪᖅᓴᓗᐊᓐᖑᐊᓂᖅᓴᓄᑦ ᓱᕈᓯᕐᓄᑦ, ᐃᓅᑐᔾᔨᔪᓄᑦ ᕿᑐᕐᖓᒥᓐᓂ, ᐊᒻᒪ ᐃᓐᓇᑐᖃᐅᔪᑦ. ᓴᓐᖓᑎᑦᑎᑲᓐᓂᕐᒥᔪᑦ ᑲᓱᖅᓯᒪᖃᑎᒌᓐᓂᖏᓐᓂᒃ ᓄᓇᓕᓐᓂ, ᑲᑐᔾᔨᔪᓐᓇᓂᖅᓴᐅᔪᓐᓇᖁᓪᓗᒋᑦ ᑕᐃᒃᑯᓄᖓ ᐱᔭᕆᐊᖃᓗᐊᓐᖑᐊᖅᑐᓄᑦ. ᓄᓇᓕᓐᓂ ᐱᒋᐊᖅᑕᐅᕙᓪᓕᐊᔪᑦ ᐊᑑᑎᖃᒻᒪᕆᒻᒪᑕ ᐃᑲᔪᖅᑐᐃᓂᕐᒥᒃ ᓂᕿᒃᓴᖃᑦᑎᐊᓂᕐᒧᑦ ᓄᓇᕗᒻᒥ, ᐊᒻᒪ ᖃᐅᔨᒪᓪᓗᑕ ᖃᓄᐃᓕᔭᐅᒋᐊᖅᑐᑦ ᓄᓇᓕᓐᓂ ᐱᑕᖃᕆᐊᖃᓪᓚᕆᒻᒪᑦ ᑲᒪᒋᓇᓱᓐᓂᕐᒧᑦ ᑳᖃᑦᑕᖅᑐᓂ ᓯᕕᑭᑦᑐᒨᒐᓗᐊᖅ. ᓄᓇᓕᓐᓂ ᐱᓕᕆᐊᖑᔪᑦ ᐃᑲᔪᖅᑐᖅᑕᐅᒃᑲᓐᓂᕆᐊᖃᖅᐳᑦ ᑎᓕᐅᕆᒋᐊᒃᑲᓂᕐᓂᕐᒧᑦ ᐊᒻᒪ ᐱᓕᕆᔾᔪᑎᒃᓴᓂᒃ ᐊᑐᐃᓐᓇᖃᖅᑎᑦᑎᓂᕐᒧᑦ.

 

ᑐᕌᖅᑕᐅᔪᑦ:

5.1 ᐱᐅᓯᑎᒋᐊᕐᓗᒋᑦ ᐊᒻᒪ ᐊᖏᓪᓕᒋᐊᕐᓗᒋᑦ ᐃᓕᓐᓂᐊᕐᕕᒻᒥ ᓂᕆᑎᑦᑎᖃᑦᑕᕐᓂᐅᕙᑦᑐᖅ ᓱᕈᓯᕐᓂᒃ ᓄᓇᕗᒻᒥ.
5.2 ᐃᑲᔪᖅᑐᐃᓗᓂ ᐱᓕᕆᖃᑎᒌᑦᑐᓂᒃ ᓄᓇᓕᓐᓂ ᐱᓕᕆᐊᓂᒃ ᐊᒻᒪ ᐊᑭᓕᖅᓱᑕᐅᓐᖏᑦᑐᓂᒃ ᐃᑲᔪᖅᑐᓂᒃ.
5.3 ᐅᐸᓗᖓᐃᔭᐃᓗᑎᒃ ᐊᑐᐃᓐᓇᖃᖅᑎᑦᑎᓗᑎᒃ ᐊᑐᕋᒃᓴᖏᓐᓂᒃ ᑭᓱᓕᕆᔾᔪᑎᒃᓴᖏᓐᓂᒃ ᓄᓇᓕᓐᓂ ᐱᓕᕆᐊᖑᔪᓂᒃ ᐃᑲᔪᕐᓂᐊᕐᒪᑕ ᐋᖅᑭᒃᓯᒪᑦᑎᐊᕐᓂᐊᕐᒪᑕ ᐊᒻᒪ ᐊᐅᓚᔪᓐᓇᕐᓂᖃᑦᑎᐊᕐᓗᑎᒃ ᒪᑭᒪᔪᓐᓇᓂᐊᕐᓗᑎᒃ.
5.4

ᓴᖅᑭᔮᖅᑎᑦᑎᓗᑎᒃ ᐋᖅᑭᒃᓯᒪᓂᖓᓂᒃ ᐊᒻᒪ ᑲᔪᓯᑎᑕᐅᓇᓱᐊᕐᓂᖏᓐᓂᒃ ᓄᓇᓕᓐᓂ ᐱᓕᕆᐊᖑᔪᑦ ᓂᕿᒃᓴᖃᑦᑎᐊᑎᑦᑎᓇᓱᐊᖅᑐᑦ.