ᐱᒋᐊᕐᓗᓂ ᒪᐃ 2-ᒥᑦ 8-ᒧᑦ, 2015, ᓂᕿᑖᕐᕖᑦ ᐊᑭᖃᙱᑦᑐᒥᑦ ᑲᓇᑕᓕᒫᒥ ᑲᑎᓪᓗᑎᒃ ᐊᕝᕗᕋᓱᒡᓗᑎᒃ ᓂᕿᓂᑦ ᑮᓇᐅᔭᓂᒡᓗ ᓄᓇᓕᖏᑦ ᖃᓄᐃᑦᑑᓂᖏᑦ ᒪᓕᒡᓗᒋᑦ, ᐃᓕᐅᖅᑲᐃᓗᑎᒃ ᖁᓕᕈᐊᓄᑦ ᐊᐅᔭᐅᑉ ᑕᖅᑭᖏᓐᓂ ᐃᓚᒋᔭᐅᓗᓂ ᓂᕐᖀᑦ ᐊᑭᖃᙱᑦᑐᑦ ᑲᓇᑕᒥ ᑕᑖᖅᑐᓕᒫᑦ ᐊᓪᓕᕋᐃᑦ ᑮᓇᐅᔭᓕᐅᕋᓱᖕᓂᕐᒥ.
ᐃᑲᔪᕐᓱᕐᓂᕐᒧᑦ ᑖᔅᓱᒥᖓ ᐱᓇᓱᖕᓂᕐᒥᑦ, ᓄᓇᕗᒻᒥ ᓂᕿᖃᐃᓐᓇᕐᑎᑦᑎᓂᕐᒧᑦ ᑲᑎᒪᕐᔪᐊᕐᓂᖅ ᐸᕐᓇᐃᓪᓗᑎᒃ ᐱᕕᒃᓴᐅᔪᒥᑦ ᐊᑎᓕᒃ ᓄᓇᕗᒻᒥ ᓄᓇᓕᖕᒦᑦᑐᖅ ᓂᕿᓄᑦ ᐱᓕᕆᐊᒃᓴᑦ ᐃᑲᔪᕐᓗᑎᒃ ᐊᔪᕐᓇᙱᓐᓂᖅᓴᐅᓕᕐᑎᓪᓗᒍ ᐱᓕᕆᖃᑎᒌᖕᓃᑦ ᑐᓂᓯᔨᓄᑦ ᐱᑎᑕᐅᕙᒃᑐᓄᓪᓗ. ᑖᓐᓇ ᑎᑎᖅᑲᖅ ᐊᑐᐃᓐᓇᐅᔪᖅ ᓄᓇᕗᒻᒥ ᓂᕿᖃᐃᓐᓇᕐᑎᑦᑎᓂᕐᒧᑦ ᑲᑎᒪᕐᔪᐊᕐᓂᕐᒥ ᐃᑭᐊᖅᑭᕕᖓᓂ ᐅᕙᓂ http://nunavutfoodsecurity.ca/iu/Resources_iu.
ᑲᑎᒪᕐᔪᐊᕐᓂᖅ ᑎᓕᐅᕆᕗᖅ ᐃᓄᖕᓂᑦ ᑲᑐᔾᔨᖃᑎᒌᓂᓘᓐᓃᑦ ᐃᓚᐅᖃᑕᐅᔪᒪᔪᓂᑦ ᑐᓂᓯᓂᕐᒥᑦ ᑮᓇᐅᔭᒥᑦ ᓂᕿᐅᖏᖔᕐᓗᒍ ᓄᓇᓕᖕᓃᑦᑐᓂ ᓂᕿᓄᑦ ᐱᓕᕆᐊᒃᓴᒧᑦ, ᑖᒃᑯᐊ ᐱᓕᕆᐊᒃᓴᐃᑦ ᐊᑐᖃᑦᑕᕐᒪᑕ ᐊᑲᐅᓛᒥᑦ ᐊᐅᓚᑦᑎᓂᕐᒥᑦ ᑐᓂᓯᓂᕐᒥᒡᓗ ᓂᕿᓂᑦ ᓄᓇᓕᖏᓐᓂ.
ᑭᓇᑐᐃᓐᓇᖅ ᑐᓂᓯᔪᒪᔪᖅ ᓂᕿᒥᑦ ᓄᓇᖓᓂ ᐱᔪᓐᓇᕐᑐᑦ ᖁᔭᓐᓇᒦᒃ ᓄᓇᕗᒻᒥ ᒐᕙᒪᒃᑯᑦ ᑐᓂᓯᓂᖅ ᓂᕿᓂᑦ ᐱᖁᔭᖓ, ᑎᓕᐅᕆᔪᖅ ᓂᕿᓂᑦ ᑐᓂᓯᓂᕐᒥᑦ ᓄᓇᕘᑉ ᐊᒃᑐᖅᑕᐅᓴᕋᐃᓐᓂᖅᐹᖓᓂ ᓄᓇᖃᖅᑎᐅᔪᓂᑦ ᓴᐳᒻᒥᓯᓐᓈᖅ ᑕᐃᒃᑯᐊ ᑐᓂᓯᓯᒪᔪᑦ.
