ᓄᓇᕗᒻᒥᐅᑦ ᓂᕆᖃᑦᑕᖅᑐᑦ ᐱᕈᖅᐸᓪᓕᐊᔪᒥᒃ ᐊᖏᓂᖓ ᓂᐅᕕᕐᕕᖕᓂ ᓂᕿᓂᒃ, ᐊᒻᒪᓗ ᐃᓕᑦᑎᔪᒪᓪᓗᑎᒃ ᖃᓄᖅ ᐱᐅᓂᖅᓴᒃᑯᑦ ᓂᕈᐊᕐᓂᕐᒥᒃ ᓂᕿᓕᐅᕈᓐᓇᕐᓗᑎᒡᓗ ᐱᐅᓂᖅᓴᓂᒃ ᓂᕿᓂᒃ ᓂᐅᕕᕐᕕᖕᓂᑭᒑᖅᑐᓂᒃ. ᓚᒐᒪᖓᑦ ᓄᓇᕗᒻᒥ ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᑦ ᐃᖅᑲᓇᐃᔭᖃᑎᖃᓕᓚᐅᖅᐳᑦ ᓂᐅᕕᕐᕕᖕᒥ ᐊᒻᒪᓗ ᑯᐊᐸᒃᑯᓐᓂ ᓴᖅᑭᑎᑦᑎᔪᒪᓪᓗᑎᒃ ᒪᒪᖅᑐᓂᒃ ᓂᕿᑦᑎᐊᕙᖕᓂᓗ ᐃᓚᒃᓴᔭᖕᓂᒃ ᐃᑲᔪᕋᓱᒃᖢᑎᒃ ᑖᒃᑯᓂᖓ ᐱᔪᓐᓇᖅᓯᓂᕐᒥᒃ.
ᑐᕌᒐᕆᔭᖓ ᐱᓕᕆᐊᖑᓇᔭᖅᑑᑉ ᐃᒪᐃᓪᓗᑎᒃ:
ᐃᓄᐃᑦ ᓂᕿᖏᑦ ᐱᒻᒪᕆᐅᖕᒪᑕ ᐃᓗᓕᖅᑕᖏᑦ ᓂᖀᑦ ᐊᐅᓚᓂᖏᓐᓄᑦ ᓄᓇᕗᒻᒥ ᐅᓄᖅᑐᓄᑦ ᐱᔾᔪᑎᖃᐅᕐᖢᓂ, ᑭᓯᐊᓂ ᑐᓗᖅᑕᕈᑎᖃᕐᓇᕐᒪᑦ ᓂᕆᖃᑦᑕᕐᓂᕐᒥᒃ ᐃᓄᐃᑦ ᓂᕿᖏᓐᓂ ᐃᓕᖅᑯᓯᑐᖃᒃᑯᑦ ᓈᒻᒪᒃᑐᒃᑯᑦ. ᐃᓄᐃᑦ ᓂᕿᖏᑦ ᖃᓄᐃᖖᒋᑦᑎᐊᕐᓂᕐᒧᑦ ᓂᕈᐊᒐᒃᓴᑦᑎᐊᕙᐅᕗᖅ, ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᑦ, ᐅᖃᖃᑎᖃᖅᖢᑎᒃ ᓄᓇᕗᒻᒥ ᓂᕿᖃᐃᓐᓇᖅᑎᑦᑎᓂᕐᒧᑦ ᑲᑎᒪᕐᔪᐊᕐᓂᕐᒥ, ᓴᖅᑭᑦᑎᕙᓪᓕᐊᖕᒪᑕ ᐃᓄᐃᑦ ᓂᕿᖏᓐᓂ ᐊᑐᐊᒐᓂᑦ ᐊᒻᒪᓗ ᐊᑐᕆᐊᓕᖕᓂ ᐊᔪᕐᓇᖖᒋᓐᓂᖅᓴᐅᖁᓪᓗᒍ ᐊᑦᑕᕐᓇᖖᒋᓪᓗᓂᓗ ᖓᕙᒪᒃᑯᓐᓄᑦ-ᑮᓇᐅᔭᖃᖅᑎᑕᐅᓗᓂ ᐅᐸᒐᐅᔪᓂᑦ ᐊᒻᒪᓗ ᐱᓕᕆᐊᒃᓴᓂᑦ ᓂᕆᑎᑦᑎᓂᕐᒥᒃ ᓇᓕᐊᒃᑯᑐᐃᓐᓇᖅ ᓂᕿᓂᒃ ᐱᔪᒪᔭᖏᓐᓂᒃ ᖃᓄᑐᐃᓐᓇᖅ ᐱᔪᒪᔭᖏᓐᓂᒃ.
