Hivunighaliurutikhat:
-
Nunavunmiunguvluta, inuktut tamaitatut, piqaqtut inungnut pilaarutikhanut ihuaqtunut niqikhanut, pilaarutikhamullu niqikhaqariaptingni niriyakhaptingnik ilaulutalu ihumaliurutikhanut niqikhaptingnut pidjutainut.
-
Nunavut niqikhanut piqaqtut niqainnanik unalu niuvvaavingmit niqikhaqpagait; tamangmik ihuaqtut niqailliurnaittumik.
-
Niqikhat piinnariaqaqtughauyut akituvallaangillutiklu inungnut.
-
Ihuaqtumik pidjutigiyaami niqailliurnaittumik piyaghauyuq ihuaqtumik maliklugit Inuit Hivulliurutiit Ukpiriyauyut, atuqpagainut aulahimmaarianginni ikiklihimaittumiklu, pilaarutikhaillu Inuit tammaqtailiyauvlutik talvani Nunavinmi Nunataagutit Angigutaanut.
-
Niqailliurnirmut Nunavunmi angiyuq ayuqhautaudjutaa pidjutikhaqaqhuni havaqatigiiklutik ihuaqhailutik atuqlugit piliriqatigiinniq/ikayuqtigiinniq (havagatigiingniq atauttikkut pinahuaramik) unalu tunnganarniq (quviahuttiaqtittiniq inungnut tamainnit ilarahukhimaittumik qanurunaaqtailiniqilauttiaquiniq).
-
Ihuatqiyaq pidjutikhaq ihuaqtumik piyaangani niqailliurnaittumik ukunuuna qanuqtuurniq (ihumaliuttiarniq atugakhaliuttiaqhuni) atuqlugit ihuaqtut ittut pivikhavut.
-
Niqikhat atuqpagaat Inuit pitquhirnginni, atuqpakhugit Inuit uqauhia nuutirlugit pitquhiraluami kangiqhihimayait an’nguniarnikkut, payuktarnikkut, niqiliqinikkut, niriyakhanullu.
-
Niqikhaliurniq piyaghariyauyuq ilangani Nunavunmi maniliurutainut, tahapkununga piliuqpaktunut, an’nguniaqpaktullu, pittaaqtughauyut ihuaqtumik inuuhiudjutikhamut.
|
