ᓄᓇᕗᒻᒥᑦ ᓂᕿᖃᐃᓐᓇᖕᓂᖕᒧᑦ ᑲᑐᔾᔨᖃᑎᒌᑦ ᓴᖅᑭᑦᑎᓚᐅᖅᐳᑦ ᓂᕿᑦᑎᐊᕙᒃ ᑲᑎᒪᔨᕋᓛᑦ ᐅᓂᒃᑳᖓᓐᓂᑦ ᐅᑭᐅᖅᑕᖅᑐᒥᑦ ᓂᕿᑦᑎᐊᕙᓕᕆᓂᖕᓄᑦ ᑲᓇᑕ ᐱᓕᕆᐊᒃᓴᑦ-ᓂ. ᑖᓐᓇ ᐅᓂᒃᑳ ᓄᓇᕗᒻᒥ ᑕᐅᑐᑕᖓᓂ ᓴᖅᑭᑎᑦᑎᓯᒪᕗᑦ ᓂᕿᑦᑎᐊᕙᓕᕆᓂᓕᕆᓂᖕᓄᑦ ᐱᓕᕆᐊᒃᓴᓂ ᐃᓚᖃᖅᖢᓂᓗ 15-ᓂᑦ ᖃᓄᐃᓕᐅᖁᔭᐅᔪᓂᑦ. ᓂᕆᐅᓇᖅᑐᖅ ᑖᓐᓇ ᐅᓂᒃᑳᖅ ᐃᑲᔫᑕᐅᓂᐊᖕᒪᑦ ᑐᓴᐅᒪᑎᑦᑎᓗᓂ ᑭᒃᑯᓕᒫᓂ ᐅᖃᖃᑎᒌᖕᓂᒃᓴᓂᑦ ᐊᒻᒪᓗ ᖃᓄᐃᓕᐅᕆᐊᖃᖕᓂᖕᓂᑦ ᐱᐅᓯᕚᓪᓕᕈᑎᒃᓴᖏᓐᓂᑦ ᐱᓕᕆᐊᒃᓴᑦ.
ᑲᑐᔾᔨᖃᑎᒌᒃᑯᑦ ᑐᙵᓱᒃᑎᑕᖏᑦ ᖃᐅᔨᓴᖅᑎᒻᒪᕆᐅᑉ ᐅᓂᒃᑳᖓ ᐅᖃᐅᓯᐅᓪᓗᐊᑕᖅᑐᓪᓗ ᒫᓐᓇ ᐊᑑᑎᖃᖕᓂᖓ ᐅᑭᐅᖅᑕᖅᑐᒥᑦ ᓂᕿᑦᑎᐊᕙᓕᕆᓂᖕᓄᑦ ᑲᓇᑕ ᐱᓕᕆᐊᒃᓴᑦ. ᑖᒃᑯᐊ ᑲᑐᔾᔨᖃᑎᒌᑦ ᐱᔪᒃᓯᔪᑦ ᐱᓕᕆᖃᑎᖃᕈᒪᓪᓗᑎᒃ ᐅᑭᐅᖅᑕᖅᑐᒥᑦ ᓂᕿᑦᑎᐊᕙᓕᕆᓂᖕᓄᑦ ᑲᓇᑕ ᐱᓕᕆᐊᒃᓴᑦ ᐅᖃᐅᔾᔪᐃᒋᐊᖅᑎᖏᑦᑕ ᑲᑎᒪᔨᖏᓐᓂ ᐱᐅᓯᕚᓪᓕᖅᑎᓐᓇᓱᒃᓗᒋᑦ ᐅᑭᐅᖅᑕᖅᑐᒥᑦ ᓂᕿᑦᑎᐊᕙᓕᕆᓂᖕᓄᑦ ᑲᓇᑕ ᐱᓕᕆᐊᒃᓴᑦ ᐱᔭᐅᔭᕆᐊᓕᖕᓂᑦ ᐱᔾᔫᒥᔪᓐᓇᖁᓪᓗᒋᑦ ᓄᓇᕗᒻᒥᐅᓄᑦ. ᑲᑐᔾᔨᖃᑎᒌᒃᑯᑦ ᓂᕆᐅᒃᑐᑦ ᑖᒃᑯᐊ ᐅᑭᐅᖅᑕᖅᑐᒥᑦ ᓂᕿᑦᑎᐊᕙᓕᕆᓂᖕᓄᑦ ᑲᓇᑕ ᐱᓕᕆᐊᒃᓴᑦ ᐅᖃᐅᔾᔪᐃᒋᐊᖅᑎᖏᑦᑕ ᑲᑎᒪᔨᖏᓐᓂᑦ ᑐᓴᕐᕕᒋᔪᒥᒋᓪᓗᓂᒋᑦ ᓄᓇᕗᒻᒥᐅᑦ ᑕᒪᐃᓐᓂᒃ ᖃᖓᓕᒫᑦᑎᐊᖅ ᖃᐅᔨᓴᕐᓗᒋᑦ ᐃᖏᕐᕋᑦᑎᐊᖅᑐᑦ ᑲᔪᓯᙱᑦᑐᓪᓗ ᐱᓕᕆᐊᓂᑦ ᓯᕗᓪᓕᐅᔾᔭᓕᐅᕐᓗᑎᒃᓗ ᐱᓕᕆᐊᓄᑦ ᐊᓯᔾᔨᖅᑕᓄᑦ ᑕᒪᐃᓐᓄᑦ ᐱᓕᕆᐊᖑᓂᖏᓐᓄᑦ ᐱᓕᕆᐊᒃᓴᐃᑦ ᓂᖀᓪᓗ ᐱᔭᐅᔪᓐᓇᖅᑐᑦ ᐊᑭᒃᖠᒋᐊᕈᑎᒃᑯᑦ.
ᓄᓇᕗᑦ ᐊᒥᓲᓛᓂᑦ ᐱᖃᖅᑕᖅᑐᓂᑦ ᐅᑭᐅᖅᑕᖅᑐᒥᑦ ᓂᕿᑦᑎᐊᕙᓕᕆᓂᖕᓄᑦ ᑲᓇᑕ ᐱᓕᕆᐊᒃᓴᖏᑦᑎᒍᑦ, 25−ᖑᓪᓗᑎᒃ 77-ᒥᙶᖅᑐᓂ ᐃᓚᐅᔪᓂᑦ ᓄᓇᓕᖕᓂᑦ ᑲᓇᑕᓕᒫᑦ. ᓄᓇᕗᑦᑕᐅᖅ ᐱᔪᓐᓇᖕᓂᖃᕐᕕᑐᐊᖑᔪᖅ ᓄᓇᓕᓕᒫᑦᑎᐊᖅ ᐃᓗᐃᑦᑐᒥᑦ ᐃᑲᔫᓯᐊᖃᑦᑕᖅᖢᑎᒃ.
ᐅᓇᙵᑦ ᐃᓗᓪᓕᕈᓐᓇᖅᑕᐃᑦ ᐅᓂᒃᑲᖅ.
